සරෝජනී නීල දෑස මට දෙනවද තියා ගන්න
නිළුපුල් මල් දෙකක් වගේ හරව හරවා හැඩ බලන්න
නුරාගිනී හැඟුම් වසා හිස අද්දර තියා ගන්න
සඳුන් කොකුම් තවරාලා සඳපානේ මට සිඹින්න
මැණික් ග‍ඟේ පේවීලා දේවාලෙට අපිත් යමුද
වන්දනාවේ නඩේ සමග කාවඩි සෙල්ලම් කරන්න
කිරි වෙහෙරේ මල් කෙල්ලන් ඔය ඇස් දෙක මිල කරයිද
සැන්දෑවේ අඳුර එක්ක හූල්ලන්න සිද්ධ වෙයිද
සඳපානේ සඳළුතලේ ඔයත් එක්ක තරු ගනින්න
ගිමන්හලේ තිනි වුනොතින් ඉක්මන් කර මට කියන්න
තරු රෑනේ දිලිසි දිලිසි ආකාසේ බබලවන්න
බැරි උනාට මටත් හිතයි නඹෙ ලඟට වෙලා ඉන්න
3 comments:
සදළු තලේ උඩට එන්න
අහසෙ තියෙන තරු ගනින්න
දුර හිද බෑ පෙම් කරන්න
අනේ ඉතින් ලගට එන්න
හිත තුල සක්මන් කරන්න
මොහොතක් ඇස් දෙක වහන්න
ඔය හීනෙට මට එබෙන්න
අවසර දෙනවද කියන්න
ආදරේට රන්ඩු වෙන්න
හාදු දීලා යාළු වෙන්න
තුරුල් වෙලා හිනාවෙන්න
මම ආසයි ලගම ඉන්න
ඔය පපුවට හිස තියන්න
හිතේ නතර වෙලා ඉන්න
සදාකල්ම ඔබේ වෙන්න
අවසර දෙනවද කියන්න
ලස්සනයි ගොඩක්...පෝස්ට් එකයි කමෙන්ට් එකයි දෙකම
තෑන්ක්ස් ෙදන්නටම
Post a Comment