Happy New Year

අළුත් සඳ

දිළිඳු බවේ සාපේක්ෂතාවය

පොල් අතු ටකරන් සෙවිළි තහඩු යට
කටු මැටි බිත්තිය කඩතොළු වී ඇත
ගොම මැටි ගෑ බිම සුව යහනක් විය
දරු පැටවුන් ටික එහිම නිදනු ඇත

රට උළු සෙවිළිය සිවිලිම සරිකොට

සුදු හුනු තවරා පිරියම් වී ඇත

නා නා විධ බුමුතුරුණු සුවය මැද

එහිද නිදයි පැටවුන් ටික ගුලිකොට

දිය බී පිර වූ බඩවියතට රස

අහරක් නොමැතිව සැවොම තැවෙනු මිස

සිය පන නල රැක ගන්න වෙහෙසකර

ජීවන මාවත දුකට හුරුව ඇත

කතරගම කිරි වෙහෙර

රාමසාන් සඳ වාගේ

ලඟම දුර

කවදාවත් එහෙම වුනේ නෑ

දෙහදක සුසුම්

අකීකරුයි රෑ සඳ ගෙපැලට ආ හින්දා

හදේ සුසුම් තනි යහනේ තනියට උන්නා

පාළු පැලේ පිල්කඩ උඩ නුඹෙ වත පෙනුනා

ඒ හීනෙට ගත රැඳි සෝ සුසුමන් නිවුනා

තරු මල් කැට ඔච්චම් කර මහද රිදවනා

හැටි බල බලා සඳ දෙව් දුව තවත් හිනහුනා

මහ දෙවොලේ අළුයම තේවා හඬ ඇහුනා

මිණි නදියේ බොර දිය කඳ තවත් වැඩි වුනා

කිරි වෙහෙරට මල් නෙළුමට නුඹ ගිය හින්දා

රෑ තනියම හීන සමග මා පෙම් බැන්දා

උදේ හවස මල් කඩයේ මා උන් හින්දා

නුඹේ සුසුම් හිරු එලියෙන් හදවත බින්දා

වැලන්ටයින් නුඹ කොහෙද

නැලවෙන නැලවෙන

රිද්මෙට නැලවෙන

සෙලවෙන සෙලවෙන

කාලෙට සෙලවෙන

බද්‍ර යෞවණේ කොටස් වෙළඳපොල

සුපෙම්වතුන්ගේ සුපෙම් කතන්දර

තාරුණ්‍යයේ හද රිද්මය පා කර

වැලන්ටයින් නුඹෙ පෙම් මල් පුදසුන

ලෝක වෙළඳපොල ලාබෙට විකුණන

ගැස්සෙන පැද්දෙන

රිද්මෙට රොක්වෙන

සොඳුරු යොවුන් විය

තරු සිහිනය මත

අඳුරු සයනයක

සැතපෙනු දැක දැක

වැලන්ටයින් නුඹ බලා සිටිනවද

මහ වැස්සට සඳ නෑ

ගිගුම් දී හඬ දෙ‍දරවා හද

මුරුගසං වැසි පතිත වෙයි අද

අකම්පිත වී බලා ඉමි මම

නුබ ගැබෙන් නුඹ මතු වෙනා සඳ

උදා වූ වසන්තය

සුබම සුබ නව වසරක් වේවා

ලැබුවාවු නව වසර සුබම සුබ නව වසරක් වේවා සියළුම සහෘදයන්ට. 2010 වර්ෂය පුරාම කවි ලියලා සරසවි සිහින සැරසුවාට නව වසරට සුබ පැතුමක්වත් ලියන්න ඉස්පාසුවක් තිබුනේ නෑ. වර්ෂ අවසානේ නිසා ඉවර කර ගන්න බැරි වැඩ කන්දරාව 31 රෑ වෙනකම් ඉවර කලා.

ලස්සන අළුත් අවුරුද්දක් ලැබුවා. නැවුම් පැතුම් නැවුම් සිතුම් එක්ක ගොඩක් අය සුබ පැතුවා. හැස දෙනාට ස්තූතියි වගේ සැම දෙනාටම නව වසරේ පැතුම් ඉටු වෙන අරුත්බර හෙටක් කියලා පැතුම් ගෙන එනවා.