සොඳුරු සරසවි අසපුව
සරසවි ජීවිතය සුන්දර මතකයක් පමණක් නොවේ. සොඳුරු යෞවණය ජීවය ලැබූ ඒ අසපුව මගේ හිතේ කවිකම පිළිසිඳ ගත්තා. එහිම උපන් කවි සිත අද කෙතරම් වැඩිවියට පත්ව ඇත්දැයි අදහා ගත නොහැක.සතුටකි. මිහිරකි. මවුනි ඔබ ඇකයේ සිට මැවූ සිහින බොඳවී විසිරුනා නොවේ මල් පල දැරුවා පමණි. ආයුබෝවන් රුහුණු සරසවි මවුනි ගරු.!
Monday, January 18, 2010
මතක මන්දිර
පෙර දිනයක මා නුඹගේ අත ගෙන
ඇවිද ගියපු මල් පාර අනන්තයේ....
නටබුන් නොවෙනා මතක මහල අද
අපේ නමින් ලියු ප්රේම පුරාවත
මකා දමා ඇත සංරක්ෂණ කර
බිතු සිතුවම්වල ඇඳුනු අපේ රෑ
මැකී ගොසිනි නව සුනු සායම් මත
පිය ගැට අභියස
පිපුනු නැවුම් මල්
අප එන මාවත
බලා සිටිනවද
රුහුනු කුමාරිය
හැර ගිය බව දැන
සරසවි අසපුව
හැඬුවද ඉකිබිඳ
Tuesday, January 12, 2010
කුවේණී
තම්බපන්නියට බට
රන් කුමරුනි විජය
සන්නාලියට ගණ රණ්
පැලඳුව රජිඳ
මන්ද හිමි සඳුනි
දොරකඩ තවම
වඩිනු මැනවි
මා ඔබගේ කුවේණිය
කටින කපු සේල ගෙන
ඔබෙ රුව සරසාලා
තුටින සපු මාල ගෙන
ඔබෙ ගෙල පලඳාලා
මිටින රුපු දනන් සිඳ
ඔබ රජ කරවාලා
සිටිමි නෙතු නොහැර
අග මෙහෙසිය වීලා
පරපුරේ එවුන් ගෙල
සිඳ බිඳ දමම්න්
සනුහරේ එවුන්
අතහැර දමමින්
අවරගිර නැගෙන විට
ඔබෙ පතිනිය වීමෙන්
පවර නිරිඳ එමි
ඔබ වෙත හිත් බඳිමින්
Wednesday, January 6, 2010
ඔබට තියෙන ආදරේ කියා ගන්න බෑ
ඔබට තරම් මේ වගේ කාටවත්ම නෑ
සසර සරන තුරු ලොවේ හමහෙම ඉන්න බෑ
ඔබට දුන්නු ජීවිතේ නැවත ගන්න බෑ
කල්ප ගණන් පෙරුම් පුරා
සොයා ආවේ මා...................................//
වැටෙන වැටෙන හැම කඳුලම
උරුම මට නිසා හිඳිමි මම සදා
හීන ඇතත් හීන් සැරේ තියාගත්තේ මා.....................//
රිදෙන රිදෙන හැම මොහොතේම මටම හුරු නිසා
හිඳිමි නෙතු වසා
රොෂාන් ප්රනානදු
Subscribe to:
Posts (Atom)