සොඳුරු සරසවි අසපුව
සරසවි ජීවිතය සුන්දර මතකයක් පමණක් නොවේ. සොඳුරු යෞවණය ජීවය ලැබූ ඒ අසපුව මගේ හිතේ කවිකම පිළිසිඳ ගත්තා. එහිම උපන් කවි සිත අද කෙතරම් වැඩිවියට පත්ව ඇත්දැයි අදහා ගත නොහැක.සතුටකි. මිහිරකි. මවුනි ඔබ ඇකයේ සිට මැවූ සිහින බොඳවී විසිරුනා නොවේ මල් පල දැරුවා පමණි. ආයුබෝවන් රුහුණු සරසවි මවුනි ගරු.!
Thursday, March 24, 2011
Sunday, March 13, 2011
දෙහදක සුසුම්
අකීකරුයි රෑ සඳ ගෙපැලට ආ හින්දා
හදේ සුසුම් තනි යහනේ තනියට උන්නා
පාළු පැලේ පිල්කඩ උඩ නුඹෙ වත පෙනුනා
ඒ හීනෙට ගත රැඳි සෝ සුසුමන් නිවුනා
තරු මල් කැට ඔච්චම් කර මහද රිදවනා
හැටි බල බලා සඳ දෙව් දුව තවත් හිනහුනා
මහ දෙවොලේ අළුයම තේවා හඬ ඇහුනා
මිණි නදියේ බොර දිය කඳ තවත් වැඩි වුනා
කිරි වෙහෙරට මල් නෙළුමට නුඹ ගිය හින්දා
රෑ තනියම හීන සමග මා පෙම් බැන්දා
උදේ හවස මල් කඩයේ මා උන් හින්දා
නුඹේ සුසුම් හිරු එලියෙන් හදවත බින්දා
Subscribe to:
Posts (Atom)