නවීන් වින්දුල පුතා

හා හා හොරෙන් හොරෙන්

දඟ වැඩ එපා සුදු පුතේ

පාසල් යන්නේ නැතිව

හැංගෙන්න ද දඟලන්නේ

ආයු බෝ වේවා මහ රජාණෙනි

රුපුනොද එඩි බඳ දමා
තෙද බල දද නංවලා
සිය දහස් නෙතු දල්වලා
සියපතක් විකසිත වෙලා

සඳ වසන්නෙපා සඳ සාවී

මුළු ලොවම දුක්වේවී........

නෙතු හරින්නෙපා ළබැඳී

මගේ හදවතම ඇවිලේවී........

සින්දූර්

පිච්ච මල් ගොතා වරලස

පොට්ටු තැබූ පුර සඳවත

ලෙච්චමී ඇවිත් ලඟටම

ඇවිලුවා මගේ හදවත

අතීත සැමරුම්

මීන නුවන් යුග අතරේ
නීල තඹර පෙති දිලිසේ
පාට සිඳුනු ආකාසේ
සිහින හොරු අරන් රහසේ

මානවිකා සිත් අහසේ
තාරුකා අතර සැඟවේ
නාඳුනනා තුනු සපුවේ
සෙනෙහස් කවි පද ගෙතුවේ

සීත සඳුන් නල රැල්ලේ
වියැළී ගිය කඳුලැල්ලේ
සොයමි ඔබ පිදූ සෙනෙහේ
අතීත සැමරුම් අතරේ

සිහින හොරු අරන් ගියා

මීන නුවන් යුග අතරේ
නීල තඹර පෙති දිලිසේ
පාට සිඳුනු ආකාසේ
සිහින හොරු අරන් රහසේ

මානවිකා සිත් අහසේ
තාරුකා අතර සැඟවේ
නාඳුනනා තුනු සපුවේ
සෙනෙහස් කවි පද ගෙතුවේ

සීත සඳුන් නල රැල්ලේ
වියැළී ගිය කඳුලැල්ලේ
සොයමි ඔබ පිදූ සෙනෙහේ
අතීත සැමරුම් අතරේ

විශ්වයම දෝතට

මධුසමය

මධුසමය

නෙත් විලේ පිපුනු නිල් පියුම් තඹර පෙති
සැලෙයි කියා මට බයයි.........................
විල් තලේ හස යුවල රඟන විට
පැන යයි ද කියා මට සැකයි...................
රත්විලේ පිපුනු රත් පියුම් තඹර පෙති
රිදෙයි කියා මට බයයි............................
නුබතලේ සොමිකිරණ ගලාවිත්
උතුරා යැයිදැයි සිතෙයි..........................
රොනවුලේ වැදි අනඟ බමර තුඩ
සරණ රාත්‍රිය දඟයි..................................
ලා විදුලි බුබුලු මතින් රැස් කිරණ ගලා විත්
තුරුණු සපුව හරි හැඩයි..........................
මධූවතේ මත් රිද්ම තරංගා
අළුයම තුරු රස පොවයි..........................
සිරි යහන් ගැබේ සුදු පිරුවට තැවරූ
රත් පියුම් කෙමියේ යුෂ පෙනෙයි.............
‍
කේ. එම්. එස්. කුමාර
වැඩසටහන් සහකාර (ප්‍රගති විමර්ශණ)
ප්‍රාදේශීය ලේකම් කාර්යාලය
කතරගම

බිඳුනු තත්සර

ඔබ නමින් ලියූ කවි පදේ
තනුව අමතකයි හදේ......හී
සඳ නොමැති මේ රැයේ
සිත් යාය කළුවරයි ලඳුනී

නුඹ දුන්න පෙම් සිතාරේ
තත් බිඳී විසිරී යාවී..........
හද බින්ද වරදට සාවී

සඳ නොපෙනී යන්නම යාවී

මගේ සුසුම් රැල් ගලාවිත්
සත්සරට මුසු වුනාවේ....
මේ නිහඬ බව බිඳ දමා

තනි සුසානය සිනාසේ..වී

ලෙච්චමීට රෑ සඳ පාළුයි

ලෙච්චමීට රෑ සඳ පාළුයි
මේ ලැයිම් කාමරේ හරි ශීතයි
ඉස්ටෝරුවේ මුර කවුළුව ඈතයි
සෙල්ල දොරේ හිත ගිනි උහුලයි
ලෙච්චමීට රෑ සඳ පාළුයි
තේ දල්ලේ කහට දෑතේ පුසුඹයි
ගිනි අව්වේ සැරට පුසුඹ මැකී යයි
මීදුම් සළු ගත තවරා එයි
මුළු පස්සර කඳු වැටියම නිසලයි
පොට්ටු තැබූ නලලත සිනිඳුයි
කොපුල් පුරා කඳුළු හැඩ කරයි
රටා පැදුර තනිව හූල්ලයි
මාරිමුත්තු කෝවිල නිහඬයි

‍කේ. එම්. එස්. කුමාර
වැඩසටහන් සහකාර (ප්‍රගති විමර්ශණ)
ප්‍රාදේශීය ලේකම් කාර්යාලය
කතරගම